புகாரி ஜனாஸா நலன்புரி சங்கம் பற்றி

தன்னார்வ சமூகப் பாரம்பரியத்திலிருந்து உத்தியோகபூர்வ பதிவு வரை

உத்தியோகபூர்வ பதிவுக்கு பல வருடங்களுக்கு முன்பிருந்தே, புகாரி பள்ளிவாசல் மஹல்லாவில் மரணங்கள் நிகழும் போது ஊர் பெரியோர்களும் தன்னார்வ இளைஞர்களும் உடனடியாக ஒன்றிணைந்து மையவாடியைத் தயார்படுத்துதல், கபர் தோண்டுதல், ஜனாஸா குளிப்பாட்டுதல், போக்குவரத்து மற்றும் துயருற்ற குடும்பங்களுக்கு ஆறுதல் அளித்தல் போன்ற புனிதக் கடமைகளை உளத்தூய்மையோடு ஆற்றி வந்தனர். இந்த இயல்பான சமூக சகோதரத்துவமே எமது சங்கத்தின் அத்திவாரமாகும்.

மஹல்லா விரிவாக்கத்துடன் இப்புனித சேவையை வருங்கால தலைமுறைகளுக்கும் நிலைத்திருக்கச் செய்ய முறையான நிதிப்பாதுகாப்பு, எழுதப்பட்ட யாப்பு மற்றும் பொறுப்புக்கூறல் தேவை என்பதை உணர்ந்து, 2023 ஆம் ஆண்டில் பெரியோர்கள் மற்றும் இளைஞர்கள் இணைந்து ஷூரா ஆலோசனையை மேற்கொண்டனர். இதன் பயனாக புகாரி ஜனாஸா நலன்புரி சங்கம் பிரதேச செயலகத்தில் பதிவு இலக்கம் DS/TH/SS/VSSO/2023/01 இன் கீழ் உத்தியோகபூர்வமாக பதிவு செய்யப்பட்டு, வரலாற்றுப் பாரம்பரியத்தையும் நவீன நிர்வாக வெளிப்படைத்தன்மையையும் இணைத்து செயலாற்றி வருகின்றது.